في هذا المقال
سكريبت مرات جوزى القديمه كاملة أماني سيد
سكريبت مرات جوزى القديمه كاملة أماني سيد
يوم فرحى جوزى سابنى وراح يبات مع مراته الاولى عشان مايحسسش مراته الاولى إنه اتغير معاها سابنى وراح يبات عندها
كنت قاعدة في أوضتي بفستان الفرح، ولسه حتى ما خلعتش الطرحة، مستنية جوزي يدخل عليّا ونبدأ أول ليلة لينا مع بعض، اللي كنت متخيلاها هتكون أجمل ليلة في حياتي.
لكن بدل ما يدخل ويقعد جنبي، لقيته واقف قدامي وبيقولي بمنتهى الهدوء:- بصي يا حبيبتي، أنا عايزك تفهمي حاجة من البداية عشان ما يحصلش بينا مشاكل بعد كده. بصيتله باستغراب وقلت:- خير يا حبيبي؟اتنهد وقال:- أنا النهارده هروح أبيت عند مراتي الأولى.
افتكرت إنه بيهزر، فضحكت ضحكة صغيرة وقلت:- إيه؟ هتروح فين؟قال بجدية:- عند مراتي الأولى. أنا مش عايزها تحس إن جوازي منك غير حياتي أو إني اتغيرت معاها. هي لسه على ذمتي، وليها حقوق، وأنا مش عايز أظلــ,,ـــــمها ولا أخليها تحس إنها اترمت على الرف بعد ما اتجوزت.
سكت شوية وأنا بحاول أستوعب كلامه، وبعدين سألته:- يعني إنت هتسيبني أنا في أول يوم جواز وتروح تبات عندها؟قال وكأنه بيشرح لي أمر طبيعي:- يوم واحد مش هيجرالك حاجة، وبعدين أنا هعوضك. أنا بس عايز أعدّي الموضوع بهدوء، وهي لسه ما اتعودتش على فكرة إني اتجوزت عليها.
هى متعوده كل يوم تنام فى حــ,,ـــــضنى حسيت إن الكلام نزل على قلبي زي الحجر، لكن حاولت أتماسك وقلت:- طب وأنا؟ مش من حقي أحس إنك فرحان بجوازك مني؟ مش من حقي إنك تقضي أول ليلة لينا معايا زي أي عريس وعروسة؟
قرب مني وقال:- يا ستي ما تكبريش الموضوع، احنا لسه قدامنا ايام كتير إنما هي أنا عايز أطمنها إن مكانتها هتفضل عندى زي ما هي. بصيتله وقلت بمرارة:- يعني عشان تطمنها إن مكانتها زي ما هي، لازم تحسسني أنا إن ماليش مكان من الأساس؟
اتضايق من كلامي وقال:- أنا مش ناقص مشاكل من أول يوم، إنتِ كنتِ عارفة إني متجوز وعندي بيت ومسؤوليات، وموافقه كانت على كده. كنت عايزة أقوله إني وافقت أكون زوجة تانية، لكن ما وافقتش أكون زوجة على الهامش، وإن وجود زوجة أولى في حياته مش معناه إني أقبل أكون آخر اهتماماته.
لكنه كان خلاص لبس جاكيته وأخد مفاتيح عربيته، وقبل ما يخرج قال:- نامي وارتاحي، وبكرة هاجي بدري ونعوض اللي فات. خرج وسابني واقفة مكاني، حتى باب الأوضة ما قفلوش وراه بهدوء. خلعت الطرحة وحطيتها على السر,,ـــــير، وبصيت لفستاني الأبيض اللي كنت فرحانة بيه من ساعات، وفجأة حسيت إني مش عروسة، حسيت إني ست اتجوزت راجل قلبه وبيته وحياته متقسمين، والمطلوب منها إنها تكون راضية ومبسوطة بنصيبها مهما كان.
تانى يوم مجاش وسألته هو فين رد عليه إنه خرج مع شاديه عشان نفسيتها تعبانه وعايز يفرحها وإنه هيتأخر شويه عليه وقفل التليفون من غير مايستنى رد بقيت قاعده ابص للموبايل وأنا بعيط مش دى الحياه اللى وعدنى بيها لما اتقدملى جالى وهى كانت معاه وقالت إنها موافقه وأهم حاجه سعادته فضلت اليوم التاني قاعدة في الشقة،
لا خرجت ولا حتى غيرت هدومي، كنت كل شوية أبص على الساعة وأقول يمكن يخلص اللي وراه وييجي، يمكن يحس إن مش طبيعي يسيب عروسته يومين بعد الفرح، ويمكن يكون عنده إحساس بالذنب ويرجع يحاول يصالحني.
لكن الغريب إني ما اتصلتش بيه ولا بعتله رسالة واحدة، مش عشان مش فارق معايا، بالعكس، أنا كنت مستنية أشوف هو من نفسه هيفتكر إن ليه زوجة جديدة قاعدة مستنياه ولا لأ. عدى اليوم التاني، ولما جه آخر الليل، لقيت الموبايل بينور برسالة منه.
فتحتها بسرعة، وقلبي كان بيتمنى ألاقي فيها كلمة حلوة أو حتى اعتذار عن غيابه، لكن الرسالة كانت صدمة جديدة.- أنا سافرت مع شادية يومين نغير جو، هي كانت مضايقة جدًا من موضوع الجواز، وحسيت إنها محتاجة أبعدها عن الضغط شوية. ما تقلقيش، أول ما أرجع هاجيلك ونعوض كل اللي فات.
خلي بالك من نفسك. فضلت باصة للرسالة ومش مصدقة اللي أنا قريته. يعني مش بس سابني ليلة الفرح وراح بات عندها، ولا حتى رجع تاني يوم، ده كمان سافر معاها وسابني لوحدي في شقة لسه ما كملتش يومين فيها!
قفلت الموبايل وحطيته جنبي، وحاولت أمنع نفسي من العياط، لكن دموعي نزلت غصب عني. افتكرت يوم ما جه يتقدملي، وشادية كانت قاعدة جنبه، وكانت بتبتسملي وتقول إنها موافقة على الجواز، وإن أهم حاجة عندها سعادته، وإنها مش هتقف في طريقه وانها نفسها انها تشوفله عيل من صلبه وانها مش قادره تسعده
وقتها أنا ارتحت لكلامها، وقلت لنفسي إن وجودها مش هيكون مشكلة، وإن الراجل اللي اختارني أكيد هيعرف يوازن بين بيته القديم والجديد. لكن دلوقتي بدأت أفهم إن موافقتها على الجواز كانت معناها إنها موافقة إنه يتجوز، مش إنها مستعدة تتنازل عن أي جزء من حياتها معاه.
والأصعب من ده كله إن جوزي نفسه كان شايف إن من حقها تطمن وتفرح وتغير جو، لكن أنا مش من حقي حتى أطلب منه يرجع يقضي معايا يومين بعد الفرح. مسكت الموبايل تاني، وفتحت الرسالة، وكنت هكتبله: «إنت نسيت إنك اتجوزت؟
»لكن مسحت الكلام قبل ما أبعت. قررت المرة دي ما أطلبش اهتمام من حد، ولا أترجى جوزي يفتكر إن ليه زوجة تانية مستنياه. حطيت الموبايل على الصامت، وقمت غيرت هدومي، ولميت طرحة الفرح والفستان وحطيتهم في الدولاب.
كنت فاكرة إني لما أتجوز هبدأ حياة جديدة، لكن اكتشفت إني بدأت جوازة وأنا لوحدي. رجع من السفر بعد أربع أيام، وكنت طول الفترة دي قاعدة لوحدي في الشقة، لسه في إجازة جوازي، لا عندي شغل أروحله ولا أصحاب قريبين مني، وكل يوم بيعدّي كنت بحس إني غريبة في البيت اللي المفروض يكون بيتي.
سمعت صوت المفتاح في الباب، وبعدها دخل وهو شايل شنطتين، وكان باين عليه إنه مبسوط.\- إيه يا عروسة؟ وحشتيني. بصيتله من مكاني وقلت بهدوء:
\- حمد لله على السلامة. حط الشنط وقال:
\- الله يسلمك، إيه بس؟ هو أنا راجع من سفرية سنة؟ ده كام يوم وعدّوا.
ما رديتش، فبصلي باستغراب وقرب مني يحاول يبوسني على راسي، لكني بعدت عنه وقمت من مكاني.\- هتتعشى؟ أحضرلك حاجة؟ضحك وقال:
\- أيوه طبعًا، أنا جعان جدًا. وبعدين إيه البرود ده؟ المفروض أرجع ألاقي عروستي فرحانة بيا. بصيتله وقلت:
\- هو إنت كنت متوقع إني أعمل إيه؟ أفرشلك الأرض ورد عشان رجعت بعد ما قضيت أول أسبوع في جوازنا مع مراتك؟اتنهد بضيق وقال:
\- يا حبيبتي بلاش نرجع للكلام ده تاني. أنا قلتلك شادية كانت تعبانة نفسيًا، وكنت محتاج أطمن عليها.
\- وأنا؟ ما سألتش نفسك أنا كنت عاملة إيه وأنا قاعدة لوحدي؟\- إنتِ كنتِ في بيتك، وكل حاجة متوفرة ليكي، وبعدين أنا ما قصرتش معاكي في حاجة. ضحكت بمرارة وقلت:
\- فعلًا، ما قصرتش. اتجوزتني، وبعدها سبتني ليلة الفرح، وتاني يوم خرجت معاها، وبعدها سافرتوا وسابتوني لوحدي.
إنت عندك حق، أنا المفروض أشكرك!اتغيرت ملامحه وقال:
\- أنا مش هفضل أتحاسب على كل يوم أقضيه مع مراتي الأولى. شادية دي عشرة عمر، ومش هقدر فجأة أتعامل معاها كأنها واحدة غريبة لمجرد إني اتجوزت. قلتله:
\- وأنا طلبت منك تتعامل معاها كأنها غريبة؟
أنا كل اللي طلبته إنك تحسسني إنك اتجوزتني فعلًا، وإن ليا مكان في حياتك. سكت شوية، وبعدين قال:
\- خلاص، اعتبري اللي حصل وعدّى. من بكرة هنبدأ حياتنا طبيعي، وأنا هعوضك عن الأيام اللي فاتت. بصيتله وسألته:
\- طبيعي إزاي؟ابتسم وقال:
\- يعني هقسم وقتي بين البيتين، وهراعي ربنا فيكم أنتم الاتنين، ومش عايز أسمع كلمة مراتي الأولى ومراتي التانية دي تاني. إنتوا الاتنين زوجاتي. دخلت المطبخ وأنا مش قادرة أكمل كلام، لكن جملته فضلت ترن في ودني.
هو شايف إن العدل مجرد تقسيم أيام، لكن مش فاهم إن اللي حصل في أول أيام جوازنا كسر جوايا حاجة صعب ترجع زي الأول.
حضرتله الأكل وحطيته قدامه، وقعدنا نتعشى، وكان بيتكلم عن السفر والأماكن اللي راحها، وكل شوية يجيب سيرة شادية ويحكيلي كانت مبسوطة إزاي، وإزاي إنها أخيرًا خرجت من الحالة النفسية اللي كانت فيها. كنت بسمعه من غير ما أعلق، لحد ما قال فجأة:
\- على فكرة، شادية بتسلم عليكي، وبتقولك إنها نفسها تشوفك قريب. بصيتله وقلت:
\- وهي عايزة تشوفني ليه؟استغرب سؤالي وقال:
\- إيه السؤال الغريب ده؟ إنتوا ضراير، والمفروض تبقوا أصحاب، وأنا نفسي أشوفكم قريبين من بعض. حطيت المعلقة وقلت:
\- أنا مش داخلة الجوازة دي عشان أكسب صاحبة، أنا اتجوزتك عشان أبقى مراتك، مش عشان أبقى صاحبة مراتك. اتضايق من ردي وقال:
\- إنتِ ليه مصممة تعقدي الأمور؟ شادية ست طيبة، وهي أصلًا كانت موافقة على جوازي منك. قلتله:
\- موافقتها مش معناها إني ملزمة أحبها أو أكون صاحبتها، زي ما أنا مش مطالبة أبررلك كل مرة إني عايزة حقي كزوجة. قام من على السفرة وقال:
\- خلاص، أنا مش هتكلم في الموضوع ده دلوقتي. بعد العشا دخل أخد دش وخرج، وبعدها لقيته بيقولي إنه هينزل يجيب شوية حاجات من بره.
سألته:
\- هتتأخر؟قال وهو بيلبس ساعته:
\- مش عارف، ممكن أعدي على شادية وأطمن عليها، أصلها من ساعة ما رجعنا وهي بتكلمني وبتقولي إنى وحشتها. بصيتله وأنا مش مصدقة، لسه راجع من السفر معاها، ولسه ما قعدش معايا ساعتين، ومع ذلك مستعجل يروح لها تاني. قلتله:
\- براحتك. وقف وبصلي وقال:
\- إنتِ بتقوليها بجد ولا بتتريقي؟رديت بهدوء:
\- هو أنا لو قلتلك ما تروحش هتسمع كلامي؟ما ردش، وأخد مفاتيحه ونزل. فضلت قاعدة مكاني، وبعد شوية دخلت أوضة النوم وفتحت الدولاب، وبدأت أبص على هدومي وحاجاتي اللي لسه ما رتبتهاش.
كنت بحاول أتخيل شكل حياتي بعد كده، وهل هفضل كل يوم مستنية جوزي يقرر ييجي إمتى ويمشي إمتى؟بعد حوالي ساعتين رجع، وكان ماسك كيس هدايا، دخل وهو مبتسم وقال:
\- شوفي جبتلك إيه!فتحت الكيس ولقيت علبة برفان غالية، فبصيتله باستغراب. قال:
\- دي هدية ليكي عشان أصالحك، وبعدين أنا مش عايزك تزعلي مني. بصيتله وقلت:
\- وإنت فاكر إن كل حاجة ممكن تتحل بهدية؟قرب مني وقال:
\- طب أعملك إيه بس؟ أنا بحاول أرضيكي وأرضيها، ومش عايز أخسر حد فيكم. ساعتها سألته سؤال كنت بفكر فيه من يوم الفرح:
\- إنت لما جيت تتقدملي، كنت ناوي تعيش معايا فعلًا؟ ولا كنت محتاج تتجوز وخلاص، بشرط إن حياتك مع شادية تفضل زي ما هي من غير أي تغيير؟اختفت ابتسامته، وفضل ساكت شوية قبل ما يرد:
\- أنا اتجوزتك عشان بحبك وعايزك، لكن ده مش معناه إني هتخلى عن شادية أو أقصر في حقها. قلتله:\- وأنا عمري ما طلبت منك تتخلى عنها، بس إنت لازم تفهم إنك لما اتجوزتني بقيت مسؤول عن بيت تاني وست تانية، مش مجرد واحدة مستنياك لما تفضى من بيتك الأول.
ما ردش، واكتفى إنه يدخل يغير هدومه، وأنا فضلت واقفة مكاني، لأول مرة أحس إن المشكلة مش في شادية ولا في غيرتها، المشكلة في راجل عايز يحتفظ بكل امتيازات حياته القديمة، ويضيف عليها زوجة جديدة من غير ما يتحمل مسؤولية التغيير اللي حصل في حياته.
دخل أوضة النوم ونام، وأنا فضلت قاعدة في الصالة شوية، مش قادرة أصدق إن دي بقت حياتي بعد يومين بس من جوازي. كنت مستنية منه يحاول يصالحني، أو حتى يفتح معايا كلام ينسيني اللي حصل، لكنه كان بيتعامل بمنتهى الطبيعية، وكأن الأيام اللي فاتت دي كانت مجرد ظرف وعدّى.
دخلت الأوضة بعده، لقيته ماسك الموبايل وبيتكلم، وأول ما شافني قفل المكالمة. سألته:
\- شادية؟ابتسم وقال:
\- أيوه، كانت بتطمن عليا، وبتسألني وصلت بالسلامة ولا لأ. قلتله:
\- ربنا يخليكم لبعض. بصلي باستغراب، لكنه ما علقش، وبعد شوية نام، وأنا فضلت صاحية لحد الفجر.
تاني يوم الصبح صحيت على صوته وهو بيتكلم في التليفون، وكان بيقول:
\- خلاص يا حبيبتي، هاجيلك النهارده بعد العصر، ما تقلقيش، انتى كمان وحشتيني. خرجت من الأوضة لقيته بيجهز نفسه للخروج، فسألته:
\- إنت نازل؟قال وهو بيحط مفاتيحه في جيبه:
\- أيوه، عندي شوية مشاوير، وبعدها هعدي على شادية. سألته بهدوء:
\- وهتبات هناك؟بصلي وقال:
\- أيوه، النهارده دوري عندها، وإنتِ عارفة إني لازم أراعي العدل بينكم. ضحكت بمرارة وقلت:
\- العدل؟ هو إحنا بدأنا نقسم الأيام من أول أسبوع جواز؟اتنهد وقال:
\- أرجوكي ما ترجعيش للكلام ده، أنا من البداية كنت واضح معاكي، وإنتِ وافقتي على جوازي وأنا متجوز. قلتله:
\- أنا وافقت أتجوز راجل متجوز، لكن ما وافقتش أبقى ضيفة في حياته، ولا أعيش مستنية اليوم اللي يفضى فيه من مراته الأولى عشان يفتكرني.
اتضايق وقال:
\- إنتِ عايزاني أعمل إيه يعني؟ أسيبها لوحدها وأقعد معاكي طول الوقت؟ دي ست عاشت معايا سنين، ومش هقدر أكسر خاطرها. قلتله:
\- وأنا خاطري مش بيتكسر؟سكت لحظة، وبعدها قرب مني وقال:
\- بصي، أنا مش عايز أخسر شادية ولا عايز أخسرك، فخلينا نريح بعض، كل واحدة فيكم ليها أيامها، ومش عايز مشاكل ولا مقارنات.
خرج وسابني واقفة مكاني. وبعدها بساعتين، لقيت رسالة من شادية على الموبايل، كانت أول مرة تبعتلي بنفسها من يوم الجواز. فتحت الرسالة، ولقيتها بتقول:
«صباح الخير يا عروسة، عاملة إيه؟ معلش لو جوزك قصّر معاكي في الأيام اللي فاتت، أصل أنا كنت محتاجاه جنبي، وإن شاء الله تتعودي على نظام حياتنا، وتفهمي إن جوزك ليه بيت ومسؤوليات، وربنا يقدرني وأسعده زي ما كنت دايمًا».
فضلت باصة للرسالة، وقلبي بيدق من الغيظ. هي مش بتعتذر، ولا حتى بتتكلم معايا باعتباري زوجة زيها، دي بتفهمني من أول أسبوع إن حياتي معاه هتكون بالشروط اللي هي حطاها. قفلت الموبايل من غير ما أرد، لكن قبل ما أحطه لقيت رسالة تانية منها:
«على فكرة، جوزك قال لي إنك زعلانة من موضوع السفر، بس صدقيني هو بيحبك، وأنا مش عايزة أكون سبب في أي مشكلة بينكم».وقتها ابتسمت بسخرية وقلت لنفسي:
واضح إن جوازي مش بيني وبين جوزي وبس...
دي حياة كاملة أنا دخلتها، وكل واحد فيها مستني مني أتنازل عن حاجة عشان التاني يفضل مبسوط. عدى شهر كامل على جوازي، شهر كنت فيه عايشة كأني مش متجوزة. جوزي كان بييجي يقضي معايا يوم أو يومين، وباقي الأسبوع عند شادية، وحتى لما كان بييجي كنت بتجنب إني أقعد معاه لوحدنا أو أسمحله يقرب مني.
في البداية حاول كذا مرة يصالحني ويقرب مني، لكني كنت برفض، وكنت بقوله إن مشاعري ناحيته اتأثرت من اللي عمله معايا في أول أيام جوازنا، وإنه لازم يفهم إن الجواز مش مجرد حقوق جسدية. كان بيتضايق، لكنه مع الوقت بطل يحاول، وبقى يقضي معظم وقته في بيته الأول.
وفي يوم صحيت من النوم على صوت إشعار رسالة من موبايله اللي كان محطوط على الكومودينو جنبي. مددت إيدي أقفله، لكن عيني وقعت على اسم شادية، وظهر جزء من الرسالة على الشاشة.«خلص بقى كل ده، هو إنت مش قادر تقرب منها عشان تحمل وتجبلك عيل؟
هتفضل مأجل الموضوع لحد إمتى؟»
اتجمدت مكاني، وفضلت باصة للشاشة مش مستوعبة اللي أنا قريته. يعني هي كمان عارفة إن جوزي مش بيقرب مني؟ وبتتكلم معاه في علاقتنا الخاصة؟ والأغرب إنها بتطالبه إنه يقرب مني عشان أحمل وأجيب له طفل!
مسكت الموبايل وفتحته، لكن قبل ما أقرأ باقي الرسالة سمعت صوته ورايا:
\- إنتِ بتعملي إيه في تليفوني؟اتخضيت وبصيتله، وقلت:
\- شادية باعتالك رسالة. اتغيرت ملامحه ومد إيده أخد الموبايل بسرعة وقال:
\- وإيه يعني؟ دي مراتي وبتكلمني. قلتله وأنا بحاول أسيطر على أعصابي:
\- وبتتكلم معاها عن علاقتنا الخاصة كمان؟اتنهد بضيق وقال:
\- إنتِ قريتي الرسالة؟\- أيوه، وقريت كفاية عشان أفهم إن حياتي معاك بقت موضوع للنقاش بينك وبينها. قال بعصبية:
\- هي بس بتسألني إمتى هنبدأ نفكر في الخلفة، وإيه المشكلة في كده؟ أنا عايز أخلف منك، وده حقي.
بصيتله بصدمة وقلت:
\- حقك؟ طب وفين حقي أنا؟ إنت فاكر إن الحمل والخلفة هيحلوا كل المشاكل اللي بينا؟ إنت حتى ما ادتنيش فرصة أحس إني مراتك، وعايزني دلوقتي أحمل منك عشان ترضي هي؟قال:
\- شادية مش بتفرض عليكي حاجة، هي بس بتتكلم من باب إنها عايزة تشوفني مبسوط.
ضحكت بمرارة وقلت:
\- لا، هي عايزة تشوفك أب، وعايزة تطمن إن جوازك مني هيجيب نتيجة، لكن محدش فيكم فكر أنا عايزة إيه!سكت شوية، وبعدها قال:
\- أنا مش فاهم إنتِ عايزة توصلي لإيه، هو أنا اتجوزتك عشان أعيش معاكي من غير عيال؟
رديت عليه:
\- وإنت اتجوزتني عشان تخلف مني بس؟ أنا مش ماكينة خلفة، أنا مراتك، ومن حقي أحس إنك بتحبني وعايزني قبل ما تفكر تجيب مني طفل. قام من السر,,ـــــير وهو متضايق، وقال:
\- أنا مش هفضل طول عمري أستنى لحد ما حضرتك ترضي عن جوازك.
أنا راجل وعندي احتياجات، ولو إنتِ مش عايزة تعيشي معايا حياة طبيعية يبقى لازم نراجع حساباتنا. بصيتله وقلت:
\- راجع حساباتك براحتك، بس متحاولش تحملني مسؤولية خراب جوازة إنت من أول يوم قررت تحسسني فيها إني الزوجة اللي ملهاش أولوية.
خرج من الأوضة وهو ماسك موبايله، وبعد دقائق سمعت صوته بيتكلم مع شادية، وكان بيقولها:
\- متقلقيش، أنا هتصرف معاها، بس بطلي تفتحي الموضوع ده كل شوية. وقتها عرفت إن الموضوع أكبر من مجرد رسالة، وإن شادية مش بس عايزة تحتفظ بجوزها لنفسها، دي كمان عايزة تتحكم في علاقتي بيه، حتى في الوقت اللي المفروض يكون من حقي أنا وبس.
0.0
5 دقائق
روايات
اربعه على سفره
كنا أربعة على السفرة: أنا، وأحمد جوزي، وأخته حنين، وسارة بنت عمه اللي رجعت من السفر من أسب…
فضلت طول اليوم بفكر في كل اللي حصل من أول يوم جوازي، وبدأت أراجع نفسي وأسألها أنا كنت مستنية إيه من الراجل ده؟ كنت فاكرة إن موافقة مراته الأولى على جوازه مني معناها إن عنده استعداد يبدأ حياة جديدة معايا، لكن اكتشفت إنهم الاتنين كانوا متفقين على شكل حياة أنا عمري ما كنت هقدر أكون سعيدة فيها.
بالليل رجع البيت، ودخل الأوضة لقاني قاعدة على السر,,ـــــير وبلم هدومي في شنطة. وقف مستغرب وقال:
\- إنتِ بتعملي إيه؟قلتله من غير ما أبصله:
\- بلم حاجتي.\- ورايحة فين إن شاء الله؟\- راجعة بيت أهلي. ضحك باستهزاء وقال:
\- عشان رسالة شادية؟
إنتِ مكبرة الموضوع أوي، وبعدين أنا قلتلك هنتكلم ونحل كل حاجة. قفلت الشنطة وبصيتله:
\- إحنا مفيش بينا حاجة تتحل، أنا مش عايزة أكمل الجوازة دي. اتغيرت ملامحه وقال:
\- إنتِ بتقولي إيه؟ طلاق؟ عشان أنا بحاول أرضي مراتي الأولى؟قلتله بوجع:
\- لأ، عشان إنت من أول يوم جواز قررت إن سعادتها أهم من مشاعري، وإن من حقها تطلب وإنت تنفذ، ومن حقي أنا أستنى وأسكت وأرضى باللي يتبقى منك. قرب مني وقال:
\- إنتِ عارفة إن شادية مش هتقدر تستحمل إني أبعد عنها، وأنا مش هقدر أسيبها، لكن ده مش معناه إني مش عايزك.
رديت عليه:
\- وأنا مش عايزة أعيش في منافسة مع ست تانية عشان أخد حقي من جوزي. أنا وافقت أكون زوجة تانية، لكن ما وافقتش أكون طرف في علاقة كل واحد فيها بيحاول يكسب والتاني يخسر. حاول يقاطعني، لكني كملت:
\- حرام عليك تدخل حد في لعبة قلوب للناس مش لعبة.
أنا دخلت بيتك بقلب مفتوح، وكنت مستعدة أشاركك حياتك وأحترم وجود مراتك الأولى، لكن إنتو الاتنين تعاملتوا معايا كأني مجرد وسيلة تحققوا بيها حاجة، ولما جيت أطالب بمكاني بقيت أنا المشكلة. قال بعصبية:
\- يعني إنتِ عايزة تضيعي جوازنا بإيدك؟
أنا كنت ممكن أعملك كل اللي إنتِ عايزاه، بس إنتِ مستعجلة ومش عايزة تصبري. قلتله:
\- أنا صبرت شهر كامل، واستنيت منك خطوة واحدة تحسسني إني مراتك، لكن كل مرة كنت بتثبتلي إن وجودي في حياتك مش مهم بالشكل اللي كنت متخيلاه.
شلت الشنطة وخرجت من الأوضة، وهو فضل واقف مكاني، وبعدها لحقني عند باب الشقة وقال:
\- استني، إنتِ مش هتخرجي من هنا بالشكل ده، إحنا لسه ممكن نتفاهم. بصيتله وقلت:
\- لما تبقى مستعد تفهم إن الجواز مسؤولية ومش مجرد ورقة، ابقى افتكر كلامي.
أنا مش هرجع عشان أكون الزوجة اللي بتستنى دورها في حياة راجل مش قادر يديها مكانها. خرجت وروحت بيت أهلي، وأول ما أمي فتحت الباب وشافتني بالشنطة، عرفت إن في حاجة حصلت. حــ,,ـــــضنتني وفضلت ساكتة لحد ما هديت، وبعدها حكيتلها كل حاجة. كانت زعلانة جدًا، لكنها قالتلي:
\- يا بنتي الجوازة اللي تبدأ بالوجع بالشكل ده صعب تكملي فيها، بس القرار قرارك، وإحنا سندك. تاني يوم اتصل بيا جوزي، وفضل يحاول يقنعني أرجع، وقال إن شادية مش هتتدخل في حياتنا تاني، وإنه هيخصص ليا أيام ووقت، وإنه مستعد يعوضني عن كل اللي فات.
لكن المرة دي كنت خلاص أخدت قراري. قلتله:
\- أنا مش عايزة وعود جديدة، أنا عايزة أنهي الجوازة دي. وبعد محاولات كتير، وافق على الطلاق، وتم الانفصال بينا، وكل واحد رجع لحياته. بعد فترة عرفت إنه رجع يعيش مع شادية زي الأول، وإنها كانت مبسوطة إن الأمور رجعت لطبيعتها، لكن أنا ما حسيتش إني خسرت حاجة، بالعكس، حسيت إني أنقذت نفسي قبل ما أخلف طفل يدخل وسط علاقة كلها شد وجذب.
بدأت أرجع لحياتي، وأهتم بنفسي، وأفكر في مستقبلي من جديد. وفي يوم قابلت واحدة صاحبتي، وسألتني:
\- هو إنتِ ندمانة إنك اتجوزتيه؟ابتسمت وقلت:
\- ندمانة إني صدقت إن موافقة مراته الأولى معناها إن جوازنا هينجح، لكن مش ندمانة إني مشيت.
أنا كنت فاكرة إن أصعب حاجة في الجواز إن الراجل يكون متجوز قبلي، لكن اكتشفت إن الأصعب إنه يكون مش شايف إن ليا قلب وحقوق زي مراته الأولى. ومن يومها فهمت إن مش كل جوازة تستاهل نحارب عشانها، وإن أحيانًا الانسحاب مش هزيمة، لكنه إنقاذ لقلب لسه عنده فرصة يبدأ من جديد.
تابع جديد محمد
اختر إشعارات الموقع أو البريد أو الاثنين. الزائر يقدر يشترك ببريده دون تسجيل حساب.
الإبلاغ عن المقال
لو لاحظت مشكلة في المحتوى، أرسلها لفريق المراجعة. لن تظهر بياناتك لكاتب المقال أو للقراء.
تعذّر إرسال البلاغ الآن. حاول مرة أخرى لاحقًا.
سجّل الدخول لإرسال بلاغ
النقاش
التعليقات (0)
فكرة تضيفها، أو سؤال يفتح حوارًا.
الرجاء تسجيل الدخول لتتمكن من التعليق