سكريبت صنية بطاطس كاملة حكايات زهرة حصري

 سكريبت صنية بطاطس كاملة حكايات زهرة حصري

سكريبت صنية بطاطس كاملة حكايات زهرة حصري

سلفتي حطت صنية بطاطس في تلاجتي وقالت ان تلاجتها عطلانه ، ولما جت تاخدها قالتلي فين اللحم اللي كان فيها؟ واتهمتني قدام اهلها اني سرقته، جوزي اتكسف وادالها تمن اللحم وهو ساكت، بس انا متكسفتش ولا سكت واللي عملته وقتها كشف لعبتها وخلى وشها في الارض قدام الكل !

!!

أنا نور، قاعدة في بيت عيلة أنا وسلفتي هدى

هدى تبان قدام الناس ملاك ماشي على الأرض، صوتها ما بيطلعش، وبسم الله ما شاء الله عليها في حالها، بس اللي يعاشرها ويعرف خباياها يتجنن من عمايلها. .

وفي يوم وأنا قاعدة في أمان الله مع ابني الصغير اللي لسه بيرضع، لقيت الباب بيخبط، فتحت لقيت هدى قدامي وماسكة صينية متغطية كويس بورق ألومنيوم . وقالت لي بابتسامة معلش يا نور يا حبيبتي، ممكن تحطي دي عندك في التلاجة؟

أصل أهلي جايين بكره، وأنا عملتها بالليل عشان بكره ميبقاش عندي شغل كتير، بس فجأة تلاجتي عملتها معايا وعطلت.

بصيت لها وابتسمت بحسن نية وقلت لها يا ستي عيب عليكِ، تلاجتي هي تلاجتك، هاتي اللي معاك كله وحطيه براحتك.

قالت لي بمنتهى الود ربنا يخليكي يا نور ولا يحرمني منك، ومشيت.

أنا خدت الصينية وحطيتها زي ما هي في التلاجة وقفلت عليها، وأنا ما عنديش أطفال تفتح التلاجة وتروح وتيجي، ابني لسه بيرضع على إيدي، يعني الصينية فضلت مقفولة ومحدش حتى بص ناحيتها.

تاني يوم على الضهر، كانوا أبوها وأمها واخوها قاعدين في الصالة تحت، وجوزي وجوزها قاعدين معاهم بيضيفوهم. و هدى طلعت قالت لهم ثواني والغدا يكون جاهز، ده أنا عاملة لكم صينية بطاطس باللحمة عسل!

جوزي قطع لنا من أحلى حتة لحمة عشان الصينية دي.

وبعدين بصتلي قدام الكل وقالت بقولك ايه يا نور، هاتي الصينية بتاعتي من تلاجتك عشان اسخنها.

طلعت جبت الصينية، وكانت متقفلة زي ما هي على حطتها، مفيش أي حاجة اتغيرت فيها. نزلت واديتها لها،

اتفاجأت بيها بتاخد الصينية وتحطها على الطاولة قدام أهلها وجوزي وجوزها، وقالت لهم بصوا، أنا هوريها لكم قبل ما أسخنها عشان

تشوفوا حلاوة المنظر وعمايل ايدين بنتكم.

وأول ما شالت الغطا من على الصينية، بصت فجأة پصدمه، وفتحت عينيها على الآخر وقالت بخضه إيه ده يا نور؟! فين اللحمة؟!.

الكل اتجمد مكانه واټصدم. أنا استغربت وقلت لها باستنكار لحمة إيه؟! الصينية خرجت من عندي على تقفيلتها، أنا حتى ملمستهاش ولا فتحت الغطا من أساسه!.

راحت باصة لي پغضب وقالت تقفيلتها إزاي وبتاع إيه؟! دي كان فيها اتنين كيلو لحمة بلدي عاملاها مخصوص لاهلي، إزاي بقت بطاطس بس، واللحمة اتسرقت من قلبها؟!.

الكل بقى باصص لي نظرات غريبة. أنا جن چنوني وقعدت أدافع عن نفسي وأقول انتي بتقولي إيه يا هدى؟! هو أنا حرامية؟! ولما هسرق، هسرق صينية بطاطس؟! اعقلي الكلام اللي بتقوليه ده وشوفي بتقولي إيه!

.

وهي ولا كأنها سامعة، راحت قاعدة على الكرسي وحطت إيدها على وشها وقعدت تمثل البكا ده أنا وقفت عليها العصر كله تعبانة، ومعملتش حسابي في لحم غيرها.. أهلي أكلهم ايه دلوقتي؟! ده أنا مكسوفة منهم.. منك لله يا شيخة، بتعملي فيا كده ليه؟!.

أنا كنت خلاص هولع فيها من الغيظ والڼار اللي ولعت في قلبي من تمثيلها الرخيص وخداعها اللي على عينك يا تاجر. لسه هزعق، لقيت جوزي جه بحرج شديد وقال خلاص يا هدى، كفاية عياط وفضايح، بلاش كتر كلام.

وبعدين طلع من جيبه مبلغ تمن اللحم وداه لها وقال خدي يا هدى، هاتي اللحم ده وأهلك نعشيهم، مش مشكلة، وانهي الموضوع.

هي أول ما شافت الفلوس خطڤتها بسرعة وحطتها في جيبها، وبرضه ما بطلتش تلعب دور الضحېة، فقالت بصوت مكسور بس برضه دي حركه ناقصة من مراتك، أودي لأهلي طبيخ من غير لحم إزاي؟

! كسفتني قدامهم!.

أبوها اللي كان قاعد مكسوف من بنته ومن الموقف كله، قال بسرعة وبحزم كفاية يا بنتي بلاش كتر كلام، احنا جايين نشوفك مش ناكل! هاتي أي حاجة ولا متجبيش أصلاً، مش فارقة معانا خالص.

قالت بسرعه لا إزاي، ده أنا عاملة شوربة ورز ومحشي، ثواني هجيب لكم الأكل، الله يجازي اللي كان السبب!.

ودخلت على شقتها وهي بتبص

لي بصه شيطاني كلها انتصار وشماتة.

في اللحظة دي، جوزي لف وِشّه وبص لي بطريقة أول مرة في حياتي أشوفها منه؛ نظرة كلها لوم وعتاب ودهشه، كأنه بيقولي إزاي تعملي كده وتكسفينا قدام الناس ؟

!.

هو فعلاً كان مكسوف ومقهور ومش قادر ينطق بعدها بحرف واحد لان مراته طلعت حراميه وجعانه كمان. بس أنا متكسفتش ولا سكت زيه ،استنيتها لما رجعت من شقتها ومعاها الأكل.. واللي عملته وقتها،كشف كل لعبتها البايخة، و خلى وشها في الأرض قدام الكل !!!!!

أنا فضلت واقفة مكاني، وبصيت لهدى اللي كانت داخلة بالمحشي والشوربة والرز، ووشها كله ثقة إنها قدرت توقعني في شړ أعمالي، بس أنا كنت خلاص فهمت اللعبة، ومش ناوية أسيب حقي يضيع.

بصيت لها وقلت بهدوء استني يا هدى، قبل ما تقدمي الأكل لأهلك، أنا عايزة أسأل سؤال صغير.

بصت لي بضيق وقالت خير يا نور؟ هو لسه في كلام؟ مش كفاية اللي حصل؟.

ابتسمت ابتسامة خفيفة، وبصيت لجوزها وقلت معلش يا أخويا، ممكن تطلع شقتك وتفتح الفريزر؟ هتلاقي فيه اللحمة اللي اشتريتها، لأن مراتك مطبختهاش أصلاً.

هدى اټصدمت، والصينية اللي في إيدها كانت هتقع منها، وبصت لي بعينين مفتوحين على آخرهم وقالت إنتي بتقولي إيه؟! إنتي بتكدبيني قدام أهلي؟!.

رديت عليها من غير ما أرفع صوتي ما إنتي كدبتيني واتهمتيني بالسړقة قدام أهلك، يبقى ليه مستغربة لما أقول الحقيقة؟.

جوزي دخل بسرعة يحاول يفض الموضوع، وقال لي بإحراج ما خلاص يا نور، عيب كده قدام الناس، الموضوع انتهى، وأنا دفعت تمن اللحمة، خلاص بقى.

بصيت له وقلت العيب اللي عملته مرات أخوك، لأنها اتهمتني بالسړقة عشان تكسفني قدام أهلها، وإنت بدل ما تدافع عني وتطلب منها دليل، طلعت الفلوس من جيبك وادتهالها!.

وبعدين بصيت لهدى وكملت واللي هيحصل دلوقتي إنك هتطلعي بالفلوس اللي خدتيها من جوزي، وتروحي تطبخي اللحمة اللي عندك كأنك اشتريتيها جديد، وتلهفي الفلوس في جيبك، وتفضلي تقولي إنك صاحبة حق!.

هدى بدأت تتوتر، وقالت بعصبية بطلي جنان يا نور!

يعني أنا هستخسر في أهلي؟! هو أنا ممكن أعمل كده؟!.

بصيت

لجوزها وقلت إنت راجل حقاني، وعمرك ما بتحب الباطل، اطلع شقتك وافتح الفريزر، وأنا متأكدة إنك هتلاقي اللحمة اللي إنت جبتها لمراتك.

جوزها قام من مكانه، ولسه هيتحرك ناحية السلم، لقيت هدى جريت ومسكته من إيده وقالت پخوف استنى يا محمود! دي كدابة، اللحمة اللي إنت جبتها أنا طبختها وحطيتها في الصينية! وبعدين إنت عارف إن تلاجتي عطلانة، هحط اللحمة فين يعني؟

!.

محمود بص لها باستغراب وقال طب إنتي خاېفة ليه؟ طالما طبختيها، يبقى مفيش حاجة نخاف منها!.

التكمله في اللينك التاني ..

محمود بص لها باستغراب وقال طب إنتي خاېفة ليه؟ طالما طبختيها، يبقى مفيش حاجة نخاف منها!.

حاولت تشد إيده وتمنعه، لكنه زق إيدها بعيد وقال بحدة ابعدي يا هدى، أنا هطلع أشوف بنفسي، ومش هفهم حاجة غير لما أتأكد.

طلع محمود على السلم، وإحنا كلنا قاعدين في الصالة في صمت غريب.

هدى كانت واقفة بتفرك في إيديها، ووشها اتغير لونه، وكل شوية تبص ناحية السلم وبعدين تبص لي، وأنا كنت قاعدة مكاني وقلبي بيدق، مش خوف من الحقيقة، لكن من الطريقة اللي ممكن ينكشف بيها الكذب.

بعد كام دقيقة، سمعنا صوت باب الشقة بيتفتح، وبعدها خطوات على السلم.

محمود نزل وهو شايل كيس اللحمة المتجمد في إيده، وحطه على الترابيزة قدام الكل وقال بصوت عالي اتفضلوا يا جماعة، دي اللحمة اللي أنا جبتها امبارح، ولسه زي ما هي متجمدة، ولا حتى اتفتحت!.

الكل اټصدم!

أم هدى حطت إيدها على بقها وقالت يا نهار أبيض! يعني إنتي كدبتي علينا يا بنتي؟!.

وأبوها قام من مكانه وهو ڠضبان وقال إزاي تعملي كده؟! وإزاي تتهمي مرات أخو جوزك بالسړقة وإنتي اللي مخبية اللحمة؟!.

محمود كان واقف ماسك كيس اللحمة، وباصص لمراته پصدمة، وقال أنا كنت فاكر إني متجوز واحدة أمينة، لكن إنتي طلعتي بتخططي عشان تاخدي فلوس من أخو جوزك، وتطلعي مراته حرامية قدام أهلك!.

هدى بدأت ټعيط وتقول والله ما كان قصدي كده، أنا كنت بهزر معاها، والموضوع كبر مني!.

بصيت لها باستنكار وقلت بتهزري؟! يعني اتهامي بالسړقة والھجوم عليا قدام الناس بقى هزار؟

! ده إنتي كنتي هتخليني أعيش طول عمري مكسوفة من أهلك ومن جوزي بسبب كڈبة!.

أمها قربت منها وقالت بعصبية اسكتي خالص، إنتي كسفتينا، وإحنا جايين بيت جوزك على أساس إنك عاملة لينا أكلة حلوة، مش عشان تعملي مصېبة زي دي!.

محمود كان غضبه بيزيد، وقال لها أنا عايز أفهم حاجة واحدة، إنتي ليه عملتي كده؟ هو أخويا ومراته قصروا معاكي في إيه؟

.

هدى ما عرفتش ترد، وفضلت ټعيط وتحاول تبرر، لكن مفيش أي كلمة كانت هتنفع بعد ما اللحمة ظهرت قدام الكل.

وفجأة

محمود رفع إيده وضربها قلم على وشها، وقال بصوت حاسم كلمة واحدة بس، روحي مع أهلك، أنا مش هعيش مع واحدة كدابة ومفتريه، واللي تقدر تتهم واحدة بريئة بالسړقة عشان كام جنيه، تقدر تعمل مصايب أكبر من كده.

أبوها مسكه من دراعه وقال يا ابني اهدى، دي مراتك، والبيوت أسرار، وإحنا هنحاسبها ونفهم منها اللي حصل.

لكن محمود رد عليه أنا مش بطلب منكم تحاسبوها، أنا بقول إنها مش هتفضل في بيتي النهارده. لما أقدر أثق فيها تاني، أبقى أفكر في أي خطوة بعد كده.

أمها بدأت تلم حاجتها، وأخوها كان باصص لها بعتاب شديد، وهي واقفة بټعيط ومش قادرة ترفع عينها في عين حد.

وقبل ما تخرج، وقفت قدامها وقلت استني يا هدى، فلوس جوزي اللي خدتيها، هاتيها.

بصت لي وهي بتمسح دموعها وقالت بصوت مكسور حاضر يا نور.

طلعت الفلوس من شنطتها، وعدّتها بإيد بتترعش، ومدتهالي وهي بټعيط.

خدتها وقلت لها أنا مش زعلانة على الفلوس، الحمد لله جوزي قادر يعوضها، لكن زعلانة إنك كنتي مستعدة تكسري سمعتي وكرامتي عشان تحصلي عليها. لو كنتي محتاجة فلوس كنتي طلبتي، لكن إنك تظلمي حد وتتهميه بحاجة ما عملهاش، دي حاجة صعبة تتنسي.

هدى نزلت راسها، وما ردتش بكلمة.

خرجت مع أهلها، وأبوها كان ماشي قدامها وهو متضايق، وأمها بتقول لها بصوت واطي إحنا مش عارفين نرفع عينينا في وش أخو جوزك بعد اللي عملتيه.

ولما الباب اتقفل، حسيت إني أخيراً قدرت أتنفس.

جوزي قرب مني، وكان باين عليه الندم، وقال أنا آسف يا نور، سامحيني، أنا غلطت لما شكيت فيكي، وكان المفروض أسمع منك وأدافع عنك بدل ما أطلع الفلوس وأسكت.

بصيت له وقلت أنا مش مستنية منك تدافع عني عشان أنا مراتك وبس، أنا مستنية منك تثق فيا، لأن لو أقرب الناس ليا شك فيا، هبقى أستنى إيه من الغريب؟.

قال لي عندك حق، وأنا أوعدك إن ده مش هيتكرر تاني.

وبعدها قرب من ابني وشاله، وقال لي يلا يا ستي، ادخلي ارتاحي، وأنا هظبط الغدا، النهارده إنتي ملكيش دعوة بأي حاجة.

ضحكت رغم

الزعل اللي جوايا، وقلت له المهم بس متحطش حاجة في التلاجة عندي من غير ما تقولي!.

ضحك وقال خلاص، أنا من النهارده مش هحط حتى إزازة مية في تلاجتك غير بإذنك.

وعدت الأيام، وكل واحد رجع لحياته، لكن الموضوع ما انتهيش عند كده.

محمود كان زعلان جداً من اللي حصل، وهدى فضلت عند أهلها، وكل ما حد يحاول يتكلم معاه عشان يرجعها، كان يرفض.

بعد حوالي أسبوعين، أنا وجوزي رحنا نزوره، وقعدنا معاه وحاولنا نهدي الأمور.

جوزي قال له يا محمود، خلاص يا أخويا، اللي حصل حصل، والموضوع اتكشف، وهي أكيد اتعلمت من غلطتها. عفا الله عما سلف، وارجع مراتك لبيتها.

وأنا كمان قلت له أنا مش عايزة أكون سبب في خړاب بيتكم، وصدقني أنا مسامحاها، ومش شايلة منها حاجة، ولو هي اعتذرت بجد، أنا مستعدة أفتح صفحة جديدة معاها.

محمود هز راسه وقال أنا مقدر كلامكم، وعارف إن نور ست محترمة، لكن أنا مش قادر أنسى إنها وقفت قدام أهلها واتهمت واحدة بالسړقة، وهي عارفة إنها بريئة. مش موضوع لحمة ولا فلوس، الموضوع إن الكذب عندها كان سهل للدرجة دي.

جوزي قال له بس كلنا بنغلط، وممكن تكون اتعلمت.

رد محمود أنا مش همنعها تتعلم، بس خليها تتربى وتعرف إن مش كل مرة هتقدر توقع الناس في بعض، وبعدها ټعيط وتقول معلش.

رجعنا من عنده، وأنا كنت حاسة إن الموضوع صعب، لأن محمود كان مصمم على موقفه.

وبعد فترة، هدى بعتت لي رسالة طويلة بتعتذر فيها، وقالت إنها غلطت في حقي، وإنها كانت عايزة تعمل نفسها قدام أهلها ست كريمة وعاملة عزومة كبيرة، ولما اكتشفت إن اللحمة لسه في الفريزر، فكرت تعمل الحركة دي عشان تاخد تمنها من جوزي وتكمل العزومة من غير ما حد يعرف إنها ما طبختش اللحمة.

لكن اللي ما حسبتش حسابه إن الكذبة هتكشف نفسها، وإنها هتخسر ثقة جوزها وأهلها في لحظة واحدة.

رديت عليها وقلت لها إني قبلت اعتذارها، وإن ربنا يصلح حالها، لكن رجوعها لبيتها قرار بينها وبين جوزها، ومش من حقي أضغط عليه.

ومن يومها وأنا

اتعلمت درس مهم، إن الطيبة مش معناها إن الواحد يسكت على الظلم، وإن السكوت وقت الاتهام ساعات بيشجع اللي قدامك يتمادى أكتر.

وهدى كانت فاكرة إنها لما ترمي التهمة عليا، هتطلع هي المظلومة وأنا اللي هتشيل الغلط، لكنها نسيت إن الكذب مهما طال، الحقيقة في الآخر بتظهر.

والعبرة من الحكاية إن اللي يحفر حفرة لغيره، ما يضمنش إنه مش هيقع فيها، وإن سمعة الناس وكرامتهم مش لعبة نستخدمها عشان نكسب شوية فلوس أو نطلع نفسنا قدام غيرنا بصورة أحسن.