سكريبت مصاريف الولاده كامله زهرة الربيع
سكريبت مصاريف الولاده كامله زهرة الربيع
سكريبت مصاريف الولاده كامله زهرة الربيع
قبل الولاده جوزي اداني 15 الف جنيه علشان اولد بيهم عند اهلي لانه مسافر ومش هيحضر الولاده ، ولما رجع من سفره سألني على باقي الفلوس ، ومكانش فاضل معايا غير الفين جنيه ولما عدهم رد فعله كان صدمه بكل المقايس واللي عمله مع ابويا مش هنساه عمري كله !!! قبل ولادتي بأسبوعين، جوزي عادل كان بيستعد عشان يسافر الغردقة؛ هو شغال هناك في السياحة، وإحنا عايشين في المنصورة.
طبعاً عشان شغله وظروفه، قال لي إنه مش هيقدر ينزل يوم الولادة خالص. خدني ووداني بيت أهلي عشان أكون في رعايتهم، وقبل ما يمشي حط في إيدي 15 ألف جنيه وقال لي دول عشان المصاريف والولادة يا سمر. أنا ساعتها اتضايقت وزعلت جداً إن جوزي وأبو ابني مش هيكون جنبي في لحظة زي دي، بس بلعت زعلي وسكت، قلت معلش ما هو بيشقى عشان خاطرنا وعشان خاطر الولد اللي جاي.
سافر عادل، وفضل طوال الأسبوعين دول يكلمني كل يوم في التليفون وكان كل مكالمة يكرر نفس الجملة حاسبي على الفلوس يا سمر، خد بالك من كل مليم، الفلوس دي للضرورة القصوى!.. كنت بقوله حاضر متقلقش واطمنه. عدت الأيام، وراحت أختي وأمي معايا مركز الولادة، وولدت بالسلامة. طبعاً أبويا راجل على قد حاله وعلى المعاش، وأنا عارفة ظروف بيتنا كويس وعارفة إن الدنيا غالية، فما رضيتش أتقل عليه ولا أخليه يشيل فوق طاقته.
الأكثر قراءة الان
بشرى ٤منذ 3 أيامبشرى ١منذ 3 أياممفرش سر,,ـــــيرمنذ 3 أيام
بقيت أشتري حفاضات الولد، واللبن الصناعي، والمستلزمات، وحاجتي أنا الشخصية بتاعة النفاس والعلاج من ال 15 ألف اللي معايا.. حاسبة كل مليم بالورقة والقلم. بعد ولادتي بعشرين يوم، عادل نزل من السفر، جه أخدني أنا والبيبي ورجعنا شقتنا. بعد العصر، دخل أخد دش محترم، وصحي وفاق، وجالي الصالة. أول كلمة قالها لي بعد ما قعد هاتي الفلوس يا سمر.. باقي ال 15 ألف كام؟ قمت جبت له الباقي.
. كانوا ألفين جنيه. مسكهم وعدهم، وفجأة وشه تحول، وعينيه جابت ألوان، وقال بذهول وصدمة إيه دول؟! فين باقي الفلوس؟! دول اللي باقيين يا عادل.. باقيين إزاي يعني؟! أنا مديكي 15 ألف جنيه بحالهم! قعدت جنبه وقلت له بالهدوء يا عادل، المركز أخد 10 تلاف جنيه بالتمام والكمال للعملية والدكتورة والمستشفى، وأنا صرفت 3 تلاف جنيه في فترة النفاس لمستلزمات الولد وليا. لقيته قام وقف وصرخ في وشي بزعيق هز الشقة مركز ياخد 10 تلاف ليه؟
! ما فاصلتوش معاهم ليه؟! وبعدين إزاي تصرفي 3 تلاف جنيه في بيت أبوكي؟! هي مش كل الناس نفاسها بيبقى على أهلها وأبوها هو اللي بيصرف عليها؟! بصيت له بصدمة ومش مصدقة اللي بسمعه، قلت له إنت بتقول إيه يا عادل؟! أبويا راجل على المعاش! وابنك كان محتاج بامبرز والاول اللبن مكانش نازل واشتريت لبن، واشتريت مستلزمات صحيه ليا وكمان اشتريت لبس اول يوم وملايه للطفل وأنا كنت طالعة من عملية ومحتاجة علاج وأكل عشان صحتي وعشان أعرف أرضع الولد!
رد عليا بقلة ذوق وقسوة عمرها ما تتقال وهو مفيش أكل في بيت أبوكي؟! جايين تاكلوا وتعيشوا على قفايا؟! اسمعي بقى.. أبوكي قال إنه جاي يطمن عليكِ بكرة، تكلّميه وتخليه يجيب ال 3 تلاف جنيه معاه وهو جاي! أنا أول مرة أشوف واحدة تروح تاكل وتشرب عند أهلها على حساب جوزها! الدموع اتجمعت في عيني وقلت له إنت بتقول إيه؟
تاني يوم، جه أبويا ومعاه أمي يطمنوا عليا وعلى البنت. أول ما دخلوا، عادل فضل قاعد مكشر ، لا رحب بيهم ولا حتى ابتسم. أبويا أخد باله واستغرب، فبص له بحنية وقال له مالك يا ابني؟ فيك حاجة ؟ شكلك متضايق كدة ليه؟ هنا كانت الصدمة.. عادل رد بكل بجاحة وقال بصراحة يا عمي.. اه فيه! أنا جسمي كله اتثبت في مكانه، وحاولت ألحقه وأوقفه قبل ما يتكلم، فناديت عليه بصوت مرعوب عادل!
بس عادل ما سكتش، وقف وقال بثقة وبجاحة الحق ما يزعلش يا عمي.. بصراحة إنت عملت حركة مش تمام خالص! إزاي البنت تقعد عندك وتدفعها تمن أكلها وشربها، وتلطشوا مني 3 تلاف جنيه من غير ما اعرف راحت في إيه كل ده عشان كنت مسافر واستامنتكم أنا ساعتها كنت هبكي من كتر الإحراج والكسوف، وكنت بتمنى الأرض تتشق وتبلعني من التصرف ده .. بس المفاجأة كانت رد فعل أبويا. أبويا ، ولا انفعل، ولا زعق.
. بالعكس، اتفاجأت بيه بيقعد بمنتهى الهدوء، وابتسم ابتسامة هادية جداً، وقال حاجه جابت وش عادل الارض من الكسوف وخلّاه يندم على اليوم اللي نطق فيه أبويا بص ل عادل بنفس الابتسامة الهادية، وهز رأسه براحة وقال له بصوت ثابت وواثق طب اقعد يا عادل يا ابني، صلي على النبي واهدى كده.. الحق ما يزعلش فعلاً، وتعالى نحسبها بالورقة والقلم، عشان حقك ما يضيعش، وعشان تعرف أنا لطشت منك إيه بالظبط.
عادل اتفاجئ ببرود أبويا، وكان فاكر إن أبويا هيتحرج أو يوطي رأسه أو يزعق فيا، بس رد فعل أبويا أربكه وجاب وش عادل الأرض قبل ما يكمل كلامه. أبويا حط إيده في جيبه، وطلع النظارة وقلم ورقة صغار كان بيسجل فيهم نفقات البيت، وبدأ يتكلم بنفس الهدوء اللي ي. أولاً يا ابني.. بنتي قعدت عندي شهر كامل قبل الولادة وبعدها. بلاش نحسب أكلها وشربها، اعتباراً إنها بنتي ودخلت بيت أبوها.
بس تعالى نحسب الحاجات التانية أنا أختها كانت بتاخد بالها منها 24 ساعة، وأمها صهرت ليالي تحط لها كمدات وتغير للولد ومبتنامش. ثانياً.. الدكتورة لما جت البيت تعمل متابعة بعد العملية، أنا اللي دفعت كشفها، 800 جنيه. ثالثاً.. لما جالكوا ضيوف يباركوا للولد في بيتي، أنا اللي أكلت وشربت وقدمت الواجب للناس كلها من جيبي، وماكلفتكش مليم، وده كلفني بتاع ألفين جنيه. رابعاً بقى وده الأهم.
. ال 3 تلاف جنيه اللي بنتي صرفتهم، دي كانت روشتة علاجها ومستلزمات البيبي، وحقن سيولة لمرضها، وحفاضات ولبن صناعي، وموجودة عندك بأسماء الصيدليات والروشتات المكتوبة بالختم.. يعني الفلوس راحت في بطن ابنك وجسم مرتك اللي شايلة اسمك. سكت أبويا ثانية، وبص ل عادل بصة كلها كبرياء وعزة نفس وقال له لكن عارف يا عادل؟ أنا راجل على المعاش صحيح، بس كرامتي وكرامة بنتي بأرض مصر كلها.
إنت فاكر إنك لما تدي بنتي 15 ألف جنيه عشان تولد وتصرف على نفسها وعلاجها، تبقى كتر خيرك؟ ده أصل واجبك وأقل حقوقها عليك! بس طالما إنت شايف إن بيت أبوها بيستغلها، وإن الألفين ولا التلاتة دول كبار عليك.. اتفضل يا ابني. أبويا فتح محفظته، وطلع منها 5 تلاف جنيه كاملين كان محوشهم بالعافية من معاشه عشان يجيب جهازا للولد وحطهم على الترابيزة بكل قوة وثبات، وقال له دول 5 تلاف جنيه يا عادل.
بس طالما إنت شايف إن بيت أبوها بيستغلها، وإن الألفين ولا التلاتة دول كبار عليك.. اتفضل يا ابني. أبويا فتح محفظته، وطلع منها 5 تلاف جنيه كاملين كان محوشهم بالعافية من معاشه عشان يجيب جهازا للولد وحطهم على الترابيزة بكل قوة وثبات، وقال له دول 5 تلاف جنيه يا عادل..
التلاتة بتوعك، وألفين زيادة عشان إقامات بنتي وأكلها في بيتي، عشان تبقى خالص وما تحسش إن حد أكل عليك مليم أو عاش على قفاك زي ما بتقول! بس اسمعني كويس.. الفلوس دي تمنها مش هيتدفع كاش، تمنها إن بنتي وابنها يلموا هدومهم ويرجعوا معايا حالاً، والراجل اللي يستكتر اللقمة والدوا على مراته وابنه في أضعف أوقاتهم، ما يأتمنش على بنتي ثانية واحدة!
عادل أول ما شاف الفلوس على الترابيزة وسع عينيه، ووشه بقى أصفر وزي ما يكون أتدلق عليه مية ساقعة. هو كان فاكر إنه هيحرج أبويا ويخليه يدفع وهو ساكت، بس ما توقعش إن أبويا يكسر عينيه بالكبرياء ده ويقلب الطاولة عليه في ثانية! عادل اتلعثم وبقى مش عارف يقول إيه، بص للفلوس وبعدين بص لأبويا وقال وهو بيحاول يلحق الموقف يا عمي.
. أنا.. أنا مقصدش كده.. أنا بس كنت بطلب التوضيح ومضغوط من مصاريف السفر وال... أبويا قطعه بكلمة واحدة وبصوت هز الصالة ولا كلمة يا عادل! ال 15 ألف اللي إنت ادتهوملها دول حقها وحق ابنك، واللي دفعه بيت أبوها أكتر من كده بكثير وما تكلمناش ولا حاسبناك.. بس إنت جيت على الكرامة، والكرامة عندنا خط أحمر. قومي يا سمر.. لمي هدومك وهدوم ابنك.
أنا ساعتها كنت واقفة ودموعي نازلة بس مش دموع قهرة، دي كانت دموع فخر بأبويا الراجل العظيم اللي جاب لي حقي وكسر عين اللي حاول يقلل مني ومنه. عادل جيه يمسك إيد أبويا ويعتذر يا عمي حقك عليا، أنا آسف، والله الشيطان غواني، أنا كنت متوتر من مصاريف الجواز والولادة والشغل..
أبويا زق إيده بالراحة وقال له الراجل يبان في المواقف يا عادل، إنت استرخصت مراتك واستكترت عليها اللقمة والدوا وهي نفاس، وما احترمتش شيبة راجل كد أبوك. الفلوس أهي على الترابيزة، وبنتي هتروح معايا ترتاح وتفكر، ولما تعرف قيمة مراتك وابنك وتعرف يعني إيه فتح بيت ومسئولية.. نبقى نتكلم. أمي أخدت البيبي، وأنا دخلت الأوضة ألم هدومي بسرعة والدموع محبوسة في عيني، بس المرة دي كانت دموع ارتياح مش كسرة.
خرجت وشايفة عادل واقف في وسط الصالة مش قادر يرفع عينيه في عين أبويا، والفلوس مفروشة قدامه على الترابيزة تشهد على بخل قلبه وبجاحته اللي انقلبت عليه. قبل ما نخرج من الباب، عادل حاول للمرة الأخيرة ووقف قدام أبويا وقال له بصوت مخنوق ومترجي يا عمي أرجوك، ما تمشيش وهي زعلانة، الناس في الشارع والعمارة هيقولوا إيه لما تشوفكم نازلين بالشنط والبيبي في نفس اليوم اللي رجعت فيه من السفر؟
! أبويا بص له من فوق لتحت وقال له بصرامة اللي يخاف على كلام الناس، يعمل حساب لكرامة أهل بيته الأول يا عادل! كلام الناس ما يهمنيش في حاجة، اللي يهمني إن بنتي تتربى في عز، وترجع لبيت يعرف قيمتها ويصونها. خرجنا وسيبناه واقف لوحده في الشقة الفاضية، وسمعت صوت الباب بيهبد ورانا. نزلت مع أبويا وأمي، وحسيت لأول مرة من يوم ما اتجوزت إن ليَّ ضهر وسند حقيقي مش ممكن يتكسر.
أبويا شال عني شنطة الهدوم وركبنا التاكسي، وطول السكة كان بيبص لي بحنية ويقولي ما تزعليش يا سمر، حقك عندي، والراجل اللي ما يعرفش قيمة النعمة اللي في إيده، لازم يعطش عشان يعرف تمن المية. أول ما وصلنا بيت أهلي، أمي أخدت الولد في حــ,,ـــــضنها وقعدت تهديني، وأبويا قفل تليفونه وقال مفيش كلام معاه خالص دلوقتي، سيبوه يتستوي في نــ,,ـــــار أعماله. من نفس الليلة، يبدأ عادل رحلة التوسل.
التليفون ما بطلش رن، رسائل على الواتساب بالساعات، يعتذر فيها ويبوس الأيادي، ويبعت صور للفلوس وهي على الترابيزة ويقولي والله ما لمست الفلوس، والله العظيم الفلوس دي جرحتني أكتر ما جرحتكم، أنا عرفت إني غبي وحقير، أرجوكِ قولي لأبوكي يسامحني. لكن أبويا كان مصمم على موقفه، ورفض يرد على أي مكالمة منه لمدة أسبوع كامل.
وفي الأسبوع ده، عادل عرف يعني إيه البيت يفضى عليه، ويعني إيه يبقى معاه الفلوس بس محروم من مراته وابنه اللي بيملوا عليه الدنيا. كان بيكلم أختي الكبيرة ويتحايل عليها تدخل، ويقولها إنه مش عارف ينام ولا يأكل، وإن الشقة بقت كئيبة ومن غير روح من غيرنا. بعد أسبوع من المرار اللي عاشه عادل، أبويا وافق يقابله، بس بشرط المقابلة مش هتبقى في بيتنا ولا في بيته، المقابلة هتبقى في بيت كبير العيلة، عمي الحاج كمال، وقدام كبار العيلة كلهم!
مفرش سر,,ـــــير
يوم القعدة، جه عادل وهو شكله متغير خالص، وشه شاحب وعينيه منفوخة من كتر التفكير وقلة النوم. أول ما دخل وقعد قدام الرجالة، عمي الحاج كمال بص له وقال له جرى إيه يا عادل؟ بقى جاي تحاسب راجل طيب زي الحاج على مصاريف بنته وعلاج ابنك؟! هي دي الأصول اللي تربيت عليها؟
! عادل وطي رأسه للأرض، وما قدرش ينطق بكلمة واحدة تدافع عن نفسه. قام من مكانه ومشي لحد ما وقف قدام أبويا، وباس على رأسه وإيده قدام الكل وقال بصوت مكسور أنا آسف يا عمي.. حقك عليا وعلى رأسي من فوق، أنا غلطت غلطة عمرها ما تتكرر، وشيطان نفسي هو اللي عماني. أنا عرفت إني ما تسواش حاجة من غير سمر وابني، وأنا مستعد لأي شرط تطلبه.
أبويا بص له بهدوء وقال له الشرط مش فلوس ولا كتب مشارطة يا عادل.. الشرط إنك تفهم إن بنتي مش جيايلك من الشارع، ولا أكلت في بيت أبوها على حساب حد. بنتي ليها كرامة، وتعرف إن اللقمة اللي تدخل بيتكم تبقى بالمعروف والرضا، مش بالحساب . عادل كتب على نفسه تعهد وشهد عليه عمي وكل كبار العيلة، إنه يتكفل بكل مصاريف بيته وابنه كاملة، وما يتدخلش في مصاريف نفاس ولا علاج، وتعهد بحسن المعاملة والاحترام الكامل ليا ولأهلي.
ورجعت بيتي مرفوعة الراس، وعادل من يومها اتغير 180 درجة، بقى بيعمل ألف حساب لكل كلمة بيقولها، وعرف إن ورايا راجل لو اتخلت عني الدنيا كلها، كرامتي عنده بالدنيا وما فيها!
الرجاء تسجيل الدخول لتتمكن من التعليق